میڈرڈ : اسپین میں ذرائع ابلاغ نے بتایا ہے کہ پولیس نے ایک ایرانی سفارت کار محمد علی سبحانی کے بیٹے ساشا سبحانی کوانسانی اسمگلنگ اور منی لانڈرنگ کے الزام میں گرفتار کیا ہے۔ گرفتار ایرانی نوجوان کے والد محمد علی سبحانی وینز ویلا میں ایران کے سفیر رہ چکے ہیں۔مقامی ذرائع ابلاغ کے مطابق ساشا سبحانی کا شمار ایران کے منچلے نوجوانوانوں میں ہوتا ہے جو اپنے لباس اور حرکتوںکی وجہ سے متنازعہ رہا ہے۔ اسے ایران میں انسٹا گرام اسٹار بھی کہا جاتا ہے۔ اسے قیمتی گاڑیوں میں گھومتے اور پرتعیش محلات میں محلفوں میں شرکت کرتے دیکھا گیا ہے.اس کے علاوہ ساشا کو گذشتہ برسوں کے دوران سوشل میڈیا پر متنازعہ تصاویر میں دیکھا گیا۔ وہ شراب نوشی کرتا، ڈالر لہراتا اور خوبصورت لڑکیوں کے ساتھ بھی دیکھا گیا ہے۔اسپانوی اخبار’ال مونڈو’ کے مطابق سبحانی کو گرفتاری کے بعد ضمانت پر رہا کیا گیا ہے مگر آنے والے ہفتوں میں اس پر عائدالزامات کی تحقیقات جاری ہیں گی۔
