تہران : 27 اگست (یو این آئی ) ایرانی پاسداران گارڈز کی کارروائی میں ایران کے صوبے سیستان بلوچستان میں 13 دہشت گرد ہلاک کر دیے گئے۔خبر ایجنسی کے مطابق پاسداران انقلاب کی کارروائیوں کے دوران متعدد دہشت گردوں کو گرفتار بھی کیا گیا۔خبر ایجنسی کی رپورٹ میں بتایا گیا ہے پاسداران انقلاب گارڈز نے تصدیق کی ہے کہ ہلاک دہشت گرد سیستان بلوچستان میں پولیس پر حملے میں ملوث تھے۔واضح رہے کہ کچھ روز قبل بھی ایرانی سکیورٹی فورسز نے جنوب مغربی علاقے میں کارروائی کے دوران 6 عسکریت پسند ہلاک کردیے تھے جب کہ 2 کو گرفتار کیا تھا۔رپورٹس کے مطابق تمام عسکریت پسند ایران کے صوبے سیستان بلوچستان میں سکیورٹی فورسز کے ساتھ فائرنگ کے تبادلے میں مارے گئے تھے۔غیر ملکی میڈیا کی رپورٹس کے مطابق ہلاک عسکریت پسندوں کا تعلق اسرائیل سے تھا۔
ایران کویورینیئم افزودگی کا بنیادی حق ہے: پوٹن
تہران : 27 اگست ( ایجنسیز ) ایرانی صدرمسعود پزشکیان اور روسی صدرپیوٹن کے درمیان ٹیلیفونک رابطہ ہوا ہے۔ایرانی میڈیا نے مسعود پزشکیان اور صدر پیوٹن کے درمیان ٹیلی فونک رابطے کی تصدیق کی ہے۔ایرانی میڈیا کے مطابق دونوں صدور نے ایران کے جوہری توانائی پروگرام پرگفتگو کی، اس موقع پر ایرانی صدر نے کہا کہ تہران جوہری ہتھیار بنانیکی کوشش نہیں کریگا۔روسی صدر پیوٹن کا کہنا تھا کہ ایران کویورینیئم افزودگی کا بنیادی حق حاصل ہے۔