نیویارک ۔ 13 مارچ (ایجنسیز) وائٹ ہاؤس نے جمعرات کو اے بی سی نیوز پر غلط معلومات پھیلانے کا الزام لگایا جب نیوز چینل نے یہ اطلاع دی کہ ایف بی آئی نے کیلیفورنیا کے محکمہ پولیس کو امریکی مغربی ساحل پر ممکنہ ایرانی ڈرون کے خطرے سے خبردار کیا تھا۔وائٹ ہاؤس کی پریس سیکریٹری کیرولین لیویٹ نے کہا کہ یہ اطلاع واپس لی جائے اور یہ دلیل دی کہ یہ غیر مصدقہ معلومات پر مبنی تھی اور اس سے عوام خواہ مخواہ خوفزدہ ہو گئے۔لیویٹ نے ایکس پر لکھا کہ امریکی عوام کو دانستہ خوفزدہ کرنے والی غلط معلومات فراہم کرنے پر اے بی سی نیوز کو یہ خبر فوراً واپس لینی چاہیے۔”انہوں نے کہا کہ اطلاع کیلیفورنیا میں مقامی قانون نافذ کرنے والے اداروں کو بھیجی گئی ایک ای میل سے اخذکردہ تھی جسے انہوں نے “غیر مصدقہ” قرار دیا۔”ای میل میں یہاں تک کہا گیا کہ اطلاع غیر مصدقہ انٹیلی جنس معلومات پر مبنی تھی۔ پھر بھی اے بی سی نیوز نے اپنی کہانی میں اس اہم حقیقت کو نظرانداز کر دیا! کیوں؟ انہوں نے لکھا۔ واضح رہے: ہمارے وطن کے لیے ایران کی طرف سے ایسا کوئی خطرہ موجود نہیں ہے اور ایسا کبھی نہیں ہوا، لیویٹ نے مزید کہا۔اے بی سی نیوز نے چہارشنبہ کے روز اطلاع دی تھی کہ ایف بی آئی نے حالیہ دنوں میں کیلیفورنیا پولیس کو خبردار کیا کہ ایران امریکی حملوں کا بدلہ مغربی ساحل کی طرف ڈرون چلا کر لے سکتا ہے۔ اے بی سی نے اس کے لیے ایک الرٹ کا حوالہ دیا جس کا چینل نے جائزہ لیا تھا۔
