واشنگٹن: امریکہ نے پیر کو ایک اعلان میں بتایا ہیکہ اس نے چین کی دو شخصیات اور چھ اداروں کو اپنی بلیک لسٹ میں شامل کر لیا ہے۔ ان افراد اور کمپنیوں نے ایک ایرانی کارگو کمپنی کیساتھ لین دین کا معاملہ کیا اور بعض حالات میں امریکی پابندیوں سے بچنے میں کمپنی کی مدد کی۔امریکی وزارت خارجہ کے بیان کے مطابق ایرانی کارگو گروپ کے بحری بیڑے کیساتھ لین دین کرنے والی چینی کمپنیوں کے نام یہ ہیں : رِچ ہولڈنگ گروپ شنگھائی، رِچ شپنگ لائنز، ڈیلائٹ شپنگ، نوبل شپنگ، گریشیئس شپنگ اور سپریم شپنگ. بیان میں یہ بھی بتایا گیا کہ رِچ ہولڈنگ کمپنی کے سربراہ ڈینیل ہی اور ایگزیکٹو ڈائریکٹر ایرک چن کو بھی بلیک لسٹ کر دیا ہے۔