تہران، 11 مئی (یو این آئی) ایران کے وزیر خارجہ سید عباس عراقچی نے کہا کہ عمان میں مذاکرات کے چوتھے دور سے قبل امریکہ کے ساتھ اپنی بات چیت میں ایران اپنے جوہری حقوق سے دستبردار نہیں ہوگا۔دوحہ میں چوتھی عرب ایران ڈائیلاگ کانفرنس سے خطاب کرتے ہوئے عراقچی نے اس بات کا اعادہ کیا کہ ایران ہمیشہ جوہری عدم پھیلاؤ کا پابند رکن رہا ہے اور وہ یورینیم کی افزودگی سمیت جوہری توانائی کے پرامن استعمال کے اپنے حق کو برقرار رکھتا ہے ۔عراقچی نے کہا کہ ہم جوہری ہتھیارنہیں چاہتے اور بڑے پیمانے پر تباہی پھیلانے والے ہتھیاروں کی ایران کے سلامتی کے نظریے میں کوئی جگہ نہیں ہے ۔ اسی وجہ سے ، ہم مغربی ایشیائی خطے میں جوہری ہتھیاروں سے پاک زون کے قیام کے آغاز کرنے والوں میں سے ایک ہیں۔ انہوں نے زور دے کر کہا کہ ایران امریکہ کے ساتھ ساتھ دیگر ممالک کے ساتھ نیک نیتی کے ساتھ مذاکرات کر رہا ہے ۔الجزیرہ کے ساتھ ایک انٹرویو میں انہوں نے کہا کہ میں نے ہمیشہ کہا ہے کہ اگر کسی معاہدہ کا مقصد یہ یقینی بنانا ہے کہ ایران کے پاس کبھی بھی جوہری ہتھیار نہیں ہوں گے ، جو اسے پہلے ہی مل چکے ہیں، تو معاہدہ ہماری دسترس میں ہوگا۔
