واشنگٹن ۔ 3 جنوری (ایجنسیز) امریکہ کے سابق وزیر خارجہ اور سی آئی اے کے سابق ڈائرکٹر مائیک پومپیو کا کہنا ہے کہ ایران کی حکومت مشکل میں ہے، فوجی مداخلت ان کی آخری امید ہے۔ غیر ملکی میڈیا کے مطابق انہوں نے کہا کہ ایران کے مختلف شہروں میں احتجاج ہو رہے ہیں، ایرانی حکومت کے47 برس اور ٹرمپامریکہ کے47 ویں صدر، کیا یہ اتفاق نہیں؟ ان کا کہنا تھا کہ ایران کی سڑکوں پر احتجاج کرنے والے ایرانی عوام اور ان کے ساتھ چلنے والے موساد ایجنٹس کو نیا سال مبارک ہو۔ اس سے پہلے امریکی صدر ٹرمپ نے ایرانی مظاہرین کی مدد کیلئے مداخلت کا اعلان کرتے ہوئے کہا تھا کہ اگر ایران نے مظاہرین پر گولی چلائی، انہیں ہلاک کیا توامریکہ مظاہرین کو بچانے کیلئے آگے آئے گا۔ ان کا کہنا تھا کہامریکہ نے نشانہ باندھ لیا ہے، کسی بھی اقدام کیلئے تیار ہیں۔
