تہران 12 اپریل ( سیاست ڈاٹ کام ) امریکی اقتصادی پابندیوں کے نتیجے میں تباہ حال معیشت کو سہارا دینے کی خاطر، ایران میں معاشی سرگرمیاں آج سے جزوی طور پر بحال ہو رہی ہیں۔ تہران کے علاوہ بیشتر صوبوں میں چھوٹے و درمیانی درجے کے کاروباری ادارے ہفتے سے کھل گئے ہیں اور سڑکوں پر ٹریفک دیکھا گیا۔ عوام میں اس فیصلے پر ملا جلا رد عمل دیکھنے میں آیا ۔ ایران مشرق وسطیٰ میں کورونا سے شدید متاثرہ ہے۔ وہاں اب تک 70 ہزار سے زیادہ افراد میں کووڈ 19 کی تشخیص ہو چکی ہے ۔
