تہران: ایران نے اسرائیلی انٹلی جنس ایجنسی موساد کے ایجنٹ کو پھانسی دے دی۔میڈیا کے مطابق اسرائیلی انٹلی جنس ایجنسی موساد کے ایجنٹ کو ہفتے کے روز ایران کے جنوب مشرقی صوبے میں پھانسی دی گئی۔ایرانی میڈیا کے مطابق ملزم نے مخصوص اطلاعات اور دستاویزات جمع کرکے فارن سروسیز سے رابطہ کیا، اس نے موساد سمیت فارن سروسز کو یہ چیزیں فراہم کیں۔ایرانی میڈیا کے مطابق ملزم نے دیگر مخصوص معلومات بھی موساد کے حکام کو بھیجیں جس کا مقصد ایران اور اس کے اداروں کے خلاف پروپگنڈہ کرنا تھا۔ایرانی میڈیا کی جانب سے ملزم کا نام ظاہر نہیں کیا گیا جب کہ اس کی گرفتاری کا مقام اور تاریخ بھی نہیں بتائی گئی۔
