واشنگٹن۔ 31ڈسمبر ۔(سیاست ڈاٹ کام) امریکہ کے قومی سلامتی کیسابق مشیر جان بولٹن نے پیر کے روز کہا ہے کہ عراق اور شام میں ایران کے حمایت یافتہ شیعہ ملیشیا گروپوں کے خلاف امریکی کارروائی میں تاخیر کی گئی ہے۔ ان کا کہنا ہے کہ ایران کو دہشت گردی کی مسلسل پشت پناہی کی قیمت چکانا ہوگی۔بولٹن نے ٹویٹر پر پوسٹ کردہ ایک بیان میں کہا کہ عراق اور شام میں ایرانی حمایت یافتہ گروپوں کے ٹھکانوں پر بمباری امریکہ کا درست اقدام ہے۔ ایران کو دہشت گردی کی معاونت اور اس کی پشت پناہی کی قیمت ضرور چکانا ہو گی۔ایران کیلئے امریکی سفیر برائن ہُک نے صحافیوں سے ٹیلیفون پربات چیت کرتے ہوئے کہا کہ اتوار کے روز عراق اور شام میں عراقی حزب اللہ کے خلاف کیے گئے حملوں کا مقصد ایرانی جارحیت کے خلاف امریکہ کی دفاعی صلاحیت کو استعمال کرنا تھا۔انہوں نے عراقی حزب اللہ بریگیڈ پرعراق کی خودمختاری کی خلاف ورزی کا الزام عائد کیا گیا۔
