ماسکو 5 اپریل ( سیاست ڈاٹ کام ) روسی وزرات خارجہ نے ایک بیان میں یکطرفہ پابندیوں کے خاتمے کیلئے امریکہ اور اس کے اتحادیوں کی مخالفت پر افسوس کا اظہار کرتے ہوئے اقوام متحدہ کے سیکریٹری جنرل انٹونیو گواٹیرسے مطالبہ کیا کہ ایران کے خلاف پابندیوں کو ختم کرنے کوششیں تیز کریں۔ وزارت خارجہ نے دنیا میں کورونا کے خلاف یکجہتی کی ضرورت پر زور دیا ۔ واضح رہے کہ ایرانی محکمہ صحت کے مطابق، اب تک ملک میں جملہ 55743 افراد کورونا میں مبتلا ہوئے جن میں سے 3452 افراد فوت و 19736 صحت یاب ہوچکے ہیں۔
