تہران: جنوبی کوریا کا ایک وفد آج جمعرات کو تہران کے لیے روانہ ہو گیا۔ یہ وفد ایرانی قیادت سے اس جنوبی کوریائی آئل ٹینکر اور اس کے عملے کے ارکان کی رہائی کے لیے مذاکرات کرے گا، جسے ایرانی حکام نے اسی ہفتے آبنائے ہْرمز کے پانیوں میں اپنے قبضے میں لے لیا تھا۔ ایران حکام کی تحویل میں اس جنوبی کوریائی بحری جہاز کے عملے کے ارکان کی تعداد 20بنتی ہے۔ ایران کے محافظین انقلاب نامی دستوں کی طرف سے پیر کے روز بتایا گیا تھا کہ انہوں نے جنوبی کوریا کا ’ہان کْوک کیمی‘ نامی ایک آئل ٹینکر اپنے قبضے میں لے لیا تھا۔ تب یہ بھی کہا گیا تھا کہ اس مال بردار بحری جہاز پر خام تیل سے تیار کردہ 7ہزار 200 ٹن کیمیائی مادے لدے ہوئے تھے، اور یہ بات تجارتی جہاز رانی میں بین الاقوامی ماحولیاتی قوانین کے منافی تھی۔
