تہران، 18 اکتوبر (یواین آئی) ایران کے نیوکلیئرپروگرام پر عائد پابندیاں ختم ہو گئیں، تہران نے عالمی طاقتوں سے 10 سالہ معاہدے کے خاتمہ کا اعلان کر دیا۔ ایرانی وزارتِ خارجہ نے اعلان میں کہا ہے کہ نیوکلیئرمعاہدہ ختم ہوتے ہی پروگرام پر عائد پابندیوں کا بھی خاتمہ ہو گیا ہے ۔ ایرانی وزارتِ خارجہ نے کہا کہ معاہدہ کے خاتمہ کے بعد تہران سفارت کاری کے لیے پُرعزم ہے ۔ عرب میڈیا رپورٹ کے مطابق ایران نے امریکا سمیت 6 ممالک سے 10 سالہ معاہدہ 2015ء میں کیا تھا۔ میڈیار پورٹ میں کہا گیا ہے کہ مشترکہ پلان آف ایکشن معاہدہ میں ایران، امریکہ، برطانیہ، چین، روس، فرانس اور جرمنی شامل تھے ۔
