حیدرآباد۔ چیف آف ایراسٹاف ایر مارشل راکیش کمار سنگھ بھدوریہ نے ہندوستانی فضائیہ میں شامل نئے فلائنگ آفیسرس سے خواہش کی کہ وہ اپنے آپ کو بہتر بنائیں کیونکہ ٹکنالوجی اب کی طرح پہلے کبھی اہمیت کی حامل نہیں تھی۔انہوں نے ایرفورس اکیڈیمی ڈنڈیگل حیدرآباد میں آج صبح کمبائنڈ پاسنگ آوٹ پریڈ کی سلامی لینے کے بعد گریجویٹنگ آفیسرس سے خطاب کیا۔انہوں نے ان عہدیداروں سے خواہش کی کہ وہ فورس کے اہم اقدار کو محسوس کرنے کے ساتھ ساتھ اپنے فرض کو بے لوث اور قربانی والا بنائیں۔یہ کہتے ہوئے کہ فضائیہ کا قومی سلامتی میں اہم رول ہے ، انہوں نے خواہش کی کہ اپنی صلاحیتوں میں اضافہ کریں۔انہوں نے کہاکہ ہندوستانی فضائیہ کا کوویڈ کی وبا کے دوران سرگرم رول رہا ہے جس نے میڈیکل آکسیجن اور اہم طبی آلات کی منتقلی کا کام کیا ہے ۔قبل ازیں انہوں نے تقریبا 160کیڈیٹس کو ونگس پیش کئے جنہوں نے اکیڈیمی میں اپنی تربیت کی تکمیل کی۔ان میں ہندوستانی بحریہ اور کوسٹ گارڈ کے 11عہدیدار شامل ہیں۔
