رامپور: اترپردیش کے ضلع رامپور میں کل لوک سبھا ضمنی انتخاب کے لیے ووٹ ڈالے گئے، اس دوران اپنے حق رائے دہی کا استعمال کرنے کے بعد سماجوادی پارٹی کے سینئر رہنماء اور رامپور شہر سے رکن اسمبلی اعظم خاں نے پولیس اور انتظامیہ کے رویہ پر اپنا سخت ردعمل کا اظہار کیا۔اعظم خاں نے میڈیا سے مخاطب ہوتے ہوئے کہا کہ جس طرح سے کل پولیس نے ووٹرز کو روکا ہے ایسے میں کون پولنگ بوتھ پر جاکر ووٹ کرنے کا ہمت کرے گا۔ انہوں نے کہا کہ ہمارے ووٹرز کو کئی جگہ جگہ پر روکا گیا اور بری طرح سے مارا پیٹا گیا ہے، ایسے میں کون ووٹ کرنے بوتھ پر آئے گا۔
