لکھنؤ: ایس پی کے چار رکن اسمبلی(ایم ایل سی) نریندر بھاٹی، سی پی چندرا، روی شنکر سنگھ اور رما نرنجن چہارشنبہ کے روز بی جے پی میں شامل ہو گئے ۔بی جے پی کے ریاستی صدر سوتنتر دیو سنگھ کی قیادت میں ڈپٹی چیف منسٹر کیشو پرساد موریہ اور ڈاکٹر دنیش شرما کی موجودگی میں چار ایم ایل سی نے شمولیت اختیار کی۔اس موقع پر سنگھ نے کہا کہ چار ایم ایل سی جو بی جے پی خاندان کا حصہ بنے وہ ایس پی کے مضبوط لیڈر رہے ہیں۔
ان کے بی جے پی میں شامل ہونے سے پارٹی کی مضبوط بنیاد مزید وسیع ہو جائے گی۔ انہوں نے چاروں لیڈروں سے اپیل کی کہ وہ اپنے علاقہ میں ایس پی کے بنیادی سطح کے کارکنوں کو بی جے پی کی پالیسیوں سے جوڑیں۔
