کابل، 24 اگست (ایجنسیز) افغانستان کرکٹ بورڈ نے ایشیا کپ کیلئے اسکواڈ کا اعلان کر دیا۔ افغانستان بورڈ کے اعلامیہ میں بتایا گیا ہے کہ راشد خان ٹیم کی قیادت کریں گے، اس کے علاوہ اسکواڈ میں رحمان اللہ گرباز، ابراہیم زادران، درویش رسولی، صدیق اللہ اتل، عظمت اللہ عمرزئی، کریم جنت، محمد نبی شامل ہیں۔ گلبدین نائب، شرف الدین اشرف، محمد اسحاق، مجیب الرحمن ، اے ایم غضنفر ، نور احمد، فرید احمد ملک، نوین الحق اور فضل حق فاروقی بھی اسکواڈ کا حصہ ہوں گے۔ افغانستان ٹیم ایشیا کپ سے قبل سہ ملکی سیریز میں حصہ لے گی۔ 9 ستمبر سے شروع ہونے والے ایشیا کپ میں افغانستان کی ٹیم گروپ بی میں شامل ہے، جہاں اس کا مقابلہ بنگلہ دیش، سری لنکا اور ہانگ کانگ سے ہوگا۔
