واشنگٹن : باخبر ذرائع کے مطابق ترکی نے امریکہ کو 40 ایف-16 لڑاکا طیاروں کی خریداری کی درخواست دی ہے۔ یہ طیارے لاک ہیڈ مارٹن کمپنی تیار کرتی ہے۔ علاوہ ازیں خریداری کی درخواست میں دیگر لوازمات کو بھی شامل کیا گیا تا کہ ترکی کے پاس دیگر لڑاکا طیاروں کو جدید بنایا جا سکے۔ ترکی کی جانب سے یہ اقدام امریکہ سے ایف-35 لڑاکا طیاروں کی خریداری میں ناکامی کے بعد سامنے آیا ہے۔ طیاروں کی خریداری کا یہ سمجھوتا اربوں ڈالر مالیت کا ہے۔ ذرائع نے نام ظاہر نہ کرنے کی درخواست پر بتایا کہ یہ معاملت امریکی وزارت خارجہ اور اسی طرح کانگریس کی منظوری کی منتظر ہے۔
