ٹیسلا کے سی ای او ایک ’خصوصی سرکاری ملازم‘ ہیں ، امریکی صدر ڈونالڈ ٹرمپ کی وضاحت
واشنگٹن: امریکی صدر ڈونالڈ ٹرمپ نے اپنے قریبی “دوست” ایلون مسک کے فیصلوں سے متعلق تنازعات کے بعد بالخصوص جب سے”وفاقی حکومت کے ملازمین کی تعداد میں کمی کر کے اس کی کارکردگی کو بہتر بنانے” پر اپنا کام شروع کیا تو یہ کام ان کیلئے مسائل پیدا کرنے کا باعث بنے۔ٹرمپ نے پیر کی شام کو وائٹ ہاؤس کے پریس بیانات کے دوران اس بات کی تصدیق کی کہ ٹیسلا کے ’سی ای او‘ ایک اہم اتحادی اور ایک “خصوصی سرکاری ملازم” ہیں، لیکن انہوں نے زور دیا کہ وہ “ان کی منظوری کے بغیر کوئی فیصلہ نہیں کرتے”۔یہ پوچھے جانے پر کہ کیا مسک کو خفیہ دستاویزات تک رسائی حاصل ہے انہوں نے اس بات سے انکار کیا کہ ان کی کمپنیوں اور ان کے حکومتی مشن کے درمیان مفادات کا تصادم ہے۔یہ بات اس وقت سامنے آئی جب وائٹ ہاؤس کی ترجمان کیرولین لیویٹ نے گذشتہ روز صحافیوں کو بتایاتھا کہ ’ایکس‘ پلیٹ فارم کے مالک امریکی صدر کے ایک اہم اتحادی اور “خصوصی سرکاری ملازم” ہیں۔تاہم انہوں نے کہا کہ وہ اس بارے میں کوئی تفصیلات فراہم نہیں کر سکتی کہ آیا مسک کو خفیہ دستاویزات تک رسائی حاصل ہے۔لیکن اس نے زور دیا کہ مسک تمام قابل اطلاق وفاقی قوانین کی تعمیل کرتے ہیں۔جبکہ وائٹ ہاؤس کے ایک سابق سینئر اہلکار نے تصدیق کی ہے کہ امریکی ارب پتی وفاقی حکومت کی کارکردگی کو بہتر بنانے کیلئے اپنے کام کیلئے تنخواہ نہیں لیتے۔انہوں نے مزید کہا کہ ایلون مسک حکومت کی کارکردگی کے منصوبے کی سربراہی کرتے ہوئے قانون کی پیروی کر رہے ہیں۔ایلون مسک نے گزشتہ ہفتے ٹریڑری کے ایک سینئر اہلکار کو برطرف کر دیا تھا جب اس نے اپنی ٹیم کو حکومت کے بڑے پیمانے پر ادائیگیوں کے نظام تک رسائی دینے سے انکار کر دیا تھا۔ ڈیوڈ لیبرک جو ہر سال وفاقی حکومت کی طرف سے کی جانے والی ایک بلین سے زیادہ ادائیگیوں کی نگرانی کرتا تھا کو مسک کے معاونین کی درخواستوں کی مزاحمت کے بعد انتظامی رخصت پر رکھا گیا ہے۔لیبرک کی اچانک رخصتی نے اس بارے میں سوالات اٹھائے ہیں کہ کیا مسک اب ادائیگی کے نظام پر کنٹرول حاصل کر لے گا اور اگر ایسا ہے تو وہ اسے کیسے استعمال کر سکتا ہے؟۔محکمہ خزانہ کے ادائیگیوں کے نظام کی کڑی نگرانی کی جاتی ہے کیونکہ یہ امریکی حکومت کی رقم کے بہاؤ کا انتظام کرتا ہے۔
تاہم واشنگٹن پوسٹ کے مطابق نئے ٹریڑری سکریٹری سکاٹ بیسنٹ نے گذشتہ جمعہ کو اس کے انچارج شخص کو انتظامی رخصت پر رکھ کر ادائیگیوں کے نظام پر مسک کے کنٹرول سے اتفاق کیا جب کہ اس نے مسک کو سسٹم تک رسائی کی اجازت دینے سے انکار کر دیا۔