حیدرآباد۔ 24 نومبر (سیاست نیوز) ریاستی سطح پر تلنگانہ کے لا کالجوں میں ایل ایل بی اور ایل ایل ایم کورسیس میں داخلوں کیلئے منعقدہ لا سیٹ 2019ء کے اہل امیدواروں کیلئے قطعی کونسلنگ 25 اور 26 نومبر کو منعقد ہوگی۔ تلنگانہ ریاستی کونسل برائے اعلیٰ تعلیم کے ذرائع نے یہ بات بتائی اور کہا کہ تین سالہ ایل ایل بی کورس میں داخلے کیلئے 25 نومبر اور پانچ سالہ ایل ایل ایم اور ایل ایل بی کورسیس میں داخلے کیلئے 26 نومبر کو قطعی کونسلنگ کا انعقاد عمل میں لایا جائے گا۔ کنوینر لا سیٹ نے کونسلنگ میں حصہ لینے والے امیدواروں سے مقررہ وقت پر موجود رہنے کی خواہش کی ہے۔
