نئی دہلی: این ڈی اے کی صدارتی امیدوار دروپدی مرمو جمعرات کو نئی دہلی پہنچ گئی ہیں۔ مرمو جمعہ کو اپنا پرچہ نامزدگی داخل کریں گے۔ اس دوران انہوں نے پی ایم مودی اور نائب صدر وینکیا نائیڈو سے بھی ملاقات کی۔ دروپدی مرمو سے ملاقات کے بعد پی ایم مودی نے کہا کہ دروپدی مرمو کو امیدوار بنانے کے این ڈی اے کے فیصلے کو سماج کے تمام طبقات نے سراہا ہے۔ زمینی مسائل کے بارے میں ان کی سمجھ اور ہندوستان کی ترقی کے لیے ان کا وژن قابل ستائش ہے۔ آپ کو بتاتے چلیں کہ این ڈی اے دروپدی مرمو کی جیت کو لے کر پراعتماد ہے کابینی وزیر گری راج سنگھ نے دروپدی مرمو کو این ڈی اے کا صدارتی امیدوار بنائے جانے کے بعد این ڈی ٹی وی کو بتایا، آزادی کے 75 سال بعد، سماج کے نچلے طبقے کی ایک بیٹی کو صدر کے عہدے کے لیے امیدوار بنایا گیا ہے۔ وزیراعظم کا یہ قدم خواتین کو بااختیار بنانے کو بھی ظاہر کرتا ہے۔ ساتھ ہی انہوں نے کہا کہ میں مرمو کو امیدوار بنانے کے لیے بہار کے وزیر اعلیٰ، اڈیشہ کے وزیر اعلیٰ اور آندھرا پردیش کے وزیر اعلیٰ کا شکریہ ادا کرتا ہوں۔
