نئی دہلی: جیسے ہی سپریم کورٹ نے ایودھیا تنازعہ کیس میں اس کے فیصلے کے خلاف دائر تمام نظرثانی کی درخواستوں کو مسترد کردیا ، جمعیت علمائے ہند کے صدر مولانا ارشد مدنی نے کہا کہ ہم سے نا انصافی ہوئی ہے۔
مولانا نے کہا کہ ”ہمیں افسوس ہے کہ سپریم کورٹ نے معاملے میں نظرثانی کی درخواست مسترد کردی۔ ایسا نہیں ہے کہ نظرثانی کی تمام درخواستیں خارج کردیا جاتا ، بہت ساری درخواست سنی جاتی ہیں۔
انہوں نے کہا کہ دنیا بھر کے لوگ جانتے ہیں کہ فیصلہ قانون کے مطابق نہیں ہے۔
مولانا مدنی نے کہا ، “عدالت نے قبول کیا تھا کہ بابری مسجد کو مسمار کیا گیا تھا اور اسے گرانے والے لوگ بھی قصوروا ہیں ، لیکن پھر عدالت نے ان کے حق میں فیصلہ دیا۔”
یہ فیصلہ صرف ہندوستان تک محدود نہیں ہے ، یہ پوری دنیا میں یہ موضوع زیر بحث ہے۔ اس سے ملک کی بدنامی ہوئی ہے۔
آئندہ کے لائحہ عمل کے بارے میں پوچھے جانے پر مدنی نے کہا کہ یہ جمعیت علمائے ہند کی ورکنگ کمیٹی پر منحصر ہے۔
ہم نے اپنی ورکنگ کمیٹی کے فیصلے کی بنیاد پر نظرثانی کی درخواست دائر کی تھی۔ ہم نے ایسا کچھ نہیں کیا جو کمیٹی کی ہدایت کے مطابق نہ ہو۔ مزید تمام فیصلے بھی اس کے ذریعے ہی لئے جائیں گے۔
اس سے قبل آج سپریم کورٹ نے ایودھیا عنوان تنازعہ کیس میں اس کے 9 نومبر کے فیصلے کے خلاف دائر تمام نظرثانی درخواستوں کو خارج کردیا تھا۔
عدالت عظمی نے 9 نومبر کو متفقہ طور پر رام لالہ کے حق میں فیصلہ سنایا تھا اور کہا تھا کہ 2.7 ایکڑ پر پھیلی پوری متنازعہ اراضی حکومت کے ذریعہ قائم ایک ٹرسٹ کے حوالے کردی جائے گی ، جو اس جگہ پر رام مندر کی تعمیر کی نگرانی کرے گی۔
عدالت نے ایودھیا میں مسجد کی تعمیر کے لئے اترپردیش سنی مرکزی وقف بورڈ کو 5 ایکڑ اراضی الاٹ کرنے کی ہدایت بھی کی تھی۔