بنگلورو: کرناٹک کے سابق وزیراعلیٰ اور جے ڈی (ایس) کے رہنما ایچ ڈی کمارسوامی کو تھکن اور عام کمزوری کی وجہ سے ہاسپٹل میں داخل کرایا گیا۔ بتایا گیا ہیکہ طبی طور پر ان کی صحت مستحکم ہے اور تیزی سے صحت یاب ہورہے ہیں۔ ہاسپٹل میں ڈاکٹروں نے اتوار کو بتایا کہ ان کا علاج ابھی جاری ہے۔کرناٹک کے سابق وزیر اعلی کے دفتر نے کہا کہ 63 سالہ رہنما، جو امیدواروں کیلئے بڑے پیمانے پر انتخابی مہم چلا رہے تھے، بخار میں مبتلا تھے اور ڈاکٹروں نے انہیں آرام کا مشورہ دیا ہے۔
