سری نگر: کشمیر زون پولیس کے انسپکٹر جنرل وجے کمار نے کہا ہے کہ ایڈوکیٹ بابر قادری کی ہلاکت کی تحقیقات کے لئے ایس پی حضرت بل کی سربراہی میں ایک خصوصی تحقیقاتی ٹیم تشکیل دی گئی ہے جس کو جلد کیس کو حل کرنے کی ہدایات دی گئی ہیں۔انہوں نے کہا کہ مرحوم قادری نے کبھی بھی خطرہ ہونے کی بات شیئر نہیں کی اگر کرتے تو ہم ان کو محفوظ جگہ پر منتقل کرتے ایک پریس کانفرنس سے خطاب کرتے ہوئے انسپکٹر جنرل پولیس نے کہا کہ ‘ایڈوکیٹ بابر قادری پر کل شام چھ بج کر بیس منٹ پر اپنے ہی گھر واقع حول میں دو افراد، جن کے ہاتھوں میں فائل تھی اور موصوف ایڈوکیٹ کے ساتھ ایک حادثہ کیس کے بارے میں مشورہ لینے کے بہانے ان سے ملنے آئے تھے ۔
