دنیا بھر میں تقریباً 7 کروڑ افراد مہلک وبا سے متاثر ۔امریکہ متاثرہ ممالک میں اول
واشنگٹن / ریو ڈی جنیرو / نئی دہلی : اب تک دنیا بھر میں تقریبا سات کروڑ افراد کوروناوائرس کا شکار جبکہ 15.80 لاکھ سے زیادہ افراد ہلاک ہو چکے ہیں۔امریکہ کی جان ہاپکنز یونیورسٹی کے سائنس اینڈ انجینئرنگ سینٹر (سی ایس ایس ای) کی جانب سے جاری اعداد و شمار کے مطابق کورونا وائرس اب تک دنیا کے 192 ممالک میں 6.95 کروڑ افراد کو متاثر کر چکا ہے ، جبکہ 15 لاکھ 80 ہزار 727 مریض اپنی جانیں گنوا چکے ہیں۔دنیا بھرمیں جان لیوا کوروناوائر سے بری طرح متاثر امریکہ میں سب سے 1.5 کروڑ سے زیادہ افراد کورونا وائرس کا شکار ہوچکے ہیں جبکہ 2.92 لاکھ مریض ہلاک ہوئے ہیں۔ جان لیوا کووڈ19سے متاثر ہونے کے معاملہ میں دنیا میں دوسرے مقام پر موجود ہندوستان میں متاثرین کی تعداد 97.96 لاکھ سے زائد ہوچکی ہے اور 1.42 لاکھ افراد اپنی زندگیوں سے ہاتھ دھو بیٹھے ہیں۔ ہندوستان میں اب تک 92.90 لاکھ سے زیادہ مریضوں نے جان لیوا وبا کورونا کو شکست دی ہے ۔ اس ملک میں اموات کی شرح1.45 فیصد ہے ۔برازیل میں کورونا وائرس سے متاثرہ افراد کی تعداد 67.81 لاکھ سے تجاوز کرچکی ہے اور 1.79 لاکھ مریض دم توڑ چکے ہیں۔ روس میں کورونا متاثرین کی تعداد 25.46 لاکھ کے قریب پہنچ چکی ہے جبکہ 44،769 افراد ہلاک ہوچکے ہیں۔ فرانس میں 23.91 لاکھ سے زیادہ افراد کورونا سے متاثر ہوئے ہیں اور 57،044 مریض فوت ہوچکے ہیں۔برطانیہ کورونا وائرس سے متاثر ہونے کے معاملہ میں ایک بار پھر اٹلی کو پیچھے چھوڑ دیا ہے اور یہاں لگ بھگ 17.92 لاکھ افراد کورونا وائرس کا شکار ہوچکے ہیں اور 63،179 افراد فوت ہوئے ہیں۔ دوسری طرف اٹلی میں اب تک 17.87 لاکھ سے زیادہ افراد اس وائرس سے متاثر ہوئے ہیں اور 62،626 افراد ہلاک ہوچکے ہیں۔ اسپین میں اب تک 17.20 لاکھ سے زیادہ افراد اس وبا سے متاثر ہوئے ہیں اور 47،344 افراد لقمہ اجل بن چکے ہیں۔ارجنٹائنا میں کووڈ 19 سے اب تک 14.82 لاکھ سے زیادہ افراد متاثر ہوئے ہیں اور 40،431 افراد لقمہ اجل بن چکے ہیں۔ کولمبیا میں اب تک 13.99 لاکھ سے زیادہ افراد اس جان لیوا وائرس سے متاثر ہوچکے ہیں اور 38،484 افراد اپنی زندگیوں سے ہاتھ دھو بیٹھے ہیں۔ جرمنی میں وائرس نے 12.70 لاکھ افراد کو اپنی لپیٹ میں لے لیا ہے اور 20،737 افراد ہلاک ہوئے ہیں۔میکسیکو میں اب تک 12.17 لاکھ سے زیادہ افراد کورونا سے متاثر اور 1.12 لاکھ افراد لقمہ اجل بن چکے ہیں۔ پولینڈ میں کورونا وائرس کے 11.02 لاکھ سے زیادہ کیسز ہیں اور 21،630 افراد لقمہ اجل بن چکے ہیں۔ ایران میں اس وبا سے اب تک 10.83 لاکھ سے زیادہ افراد متاثر اور 51،496 افراد لقمہ اجل بن چکے ہیں۔ پیرومیں اب تک 9.76 لاکھ سے زائد افراد اس جان لیوا وائرس سے متاثر ہوئے ہیں اور 36،401 افراد لقمہ اجل بن چکے ہیں۔اب تک ترکی میں 9.55 لاکھ سے زیادہ افراد کورونا سے متاثر ہو ئے ہیں اور 15،751 افراد لقمہ اجل بن چکے ہیں۔ یوکرین میں 8.81 لاکھ سے زیادہ افراد اس وائرس سے متاثر ہوئے ہیں جبکہ 14،981 افراد ہلاک ہوچکے ہیں۔