نئی دہلی: ملک میں عالمی وبا کورونا وائرس (کووڈ 19) پھیلنے کے ساتھ ہی اس کی روک تھام کے لئے کی جانے والی جانچ بھی ہرد ن ریکارڈ سطح پر کی جارہی ہے اور 21 اگست کو ایک دن میں کورونا جانچ کی تعداد 10 لاکھ سے زیادہ ہوگئی ہے ۔انڈین کونسل آف میڈیکل ریسرچ (آئی سی ایم آر) کی جانب سے آج بتایا گیا کہ 21 اگست کو ملک بھر میں کورونا وائرس کے 1023836 نمونوں کی جانچ کی گئی۔میڈیکل کونسل کے مطابق 21 اگست تک ملک میں کورونا کی مجموعی جانچ کی تعداد 34491073 تک پہنچ گئی۔وزارت صحت کی طرف سے آج جاری ہونے والے اعداد و شمار کے مطابق گزشتہ 24 گھنٹے کے دوران ملک بھر میں کورونا وائرس کے ریکارڈ 69878 نئے مریض سامنے آئے ہیں اور 945 مریضوں کی موت ہوگئی ہے ۔
