امریکہ کے بعد ہندوستان کورونا متاثرین میں دوسرے نمبر پر ، ایک لاکھ 45 ہزار سے زائد اموات
نئی دہلی: کوروناوائرس کے مسلسل نئے کیس کے رپورٹ ہونے سے اس کی مجموعی تعداد ایک کروڑ سے تجاوز کر گئی ہے اور ہندوستان اس اعداد و شمار کو عبور کرنے والا دنیا کا دوسرا ملک بن گیا ہے ، حالانکہ اچھی بات یہ ہے کہ ملک میں متاثرین کی رفتار کم ہوگئی ہے اور زیرعلاج مریضوں کی تعداد بھی کم ہو کر تین لاکھ رہ گئی ہے ۔اب تک امریکہ میں 1.74 کروڑ سے زیادہ کیس رپورٹ ہوئے ہیں ، اور اب ہندوستان بھی ایک کروڑ کی تعداد کو عبور کر چکا ہے ۔ برازیل دنیا بھر میں تیسرے مقام پر ہے اور یہاں اب تک 71.62 لاکھ متاثرین ہوچکے ہیں ، لیکن ان دونوں ممالک میں ہندوستان کے مقابلہ میں کوروناوائرس کووڈ19 سے کہیں زیادہ اموات ہوئی ہیں ۔ امریکہ میں 3.13 لاکھ ، برازیل میں 1.85 لاکھ جبکہ ہندوستان میں 1.45 لاکھ ہلاکتیں ہوئی ہیں۔ہفتہ کو وزارت صحت اور خاندانی بہبود کی جانب سے جاری تازہ ترین اعداد و شمار کے مطابق گذشتہ 24 گھنٹوں کے دوران ملک میں 25,153 نئے کیس رپورٹ ہوئے جس سے متاثرین کی مجموعی تعداد 1,00,04,600 ہوگئی۔ اسی عرصے کے دوران 29,885 مریض صحت مند ہوئے جس سے یہ تعداد 95.50 لاکھ ہوگئی۔ ملک میں شفایابی کی شرح 95.46 فیصد ہے ۔ 5080 فعال کیس سے یہ تعداد 3.08 لاکھ ہوچکی اور اس کی شرح کو 3.09 فیصد ہے ۔ اسی عرصے میں 347 مریضوں کی ہلاکت کے ساتھ اموات کی مجموعی تعداد 1,45,136 ہوگئی ہے ، ملک میں اموات کی شرح اب بھی 1.45 فیصد ہے ۔ کیرالہ میں گزشتہ 24 گھنٹوں کے دوران فعال کیس کی تعداد میں 732 کا اضافہ ہوا ہے ، حالانکہ یہیں سب سے زیادہ یعنی 4701 مریض شفایاب ہوئے ہیں ۔ ریاست میں ایکٹیو کیس کی تعداد 59,043 ہوگئی ہے اور مزید 23 مریضوں کی اموات سے مجموعی تعداد 2757 ہوگئی ہے ۔ ملک کی اس جنوبی ریاست میں کورونا وائرس سے شفایابی حاصل کرنے والے مریضوں کی تعداد 6.32 ہوچکی ہے ۔ملک میں کورونا وائرس سے سب سے زیادہ متاثرریاست مہاراشٹر میں ایکٹیو کیس کی تعداد 2582 سے گھٹ کر 61,471 رہ گئی۔ اسی عرصے کے دوران 75 مریضوں کی ہلاکت کے ساتھ ریاست میں اموات کی تعداد بڑھ کر 48,574 ہوگئی ہے ۔ ریاست میں اب تک 17.78 لاکھ سے زائد مریضوں نے کورونا کو شکست دی ہے ۔قومی دارالحکومت دہلی میں کورونا کے فعال کیس میں مسلسل کمی واقع ہورہی ہے اور گذشتہ 24 گھنٹوں کے دوران ایکٹیو کیس کی تعداد 779 سے گھٹ کر 11,419 رہ گئی ۔ وہیں قومی دارالحکومت میں 37 مریضوں کی موت ہوچکی ہے جس سے متوفیوں کی مجموعی تعداد 10,219 ہوگئی ہے ۔ دہلی میں 5.93 لاکھ سے زیادہ کورونا مریضوں نے شفایابی حاصل کی ہے ۔ملک کی جنوبی ریاست کرناٹک میں کورونا کے ایکٹیو کیس کی تعداد 175 سے بڑھ کر 15,339 ہوگئی ہے ۔ ریاست میں اموات کی تعداد 11,989 تک جا پہنچی ہے اور اب تک 8.79 لاکھ سے زیادہ مریض شفایاب ہوچکے ہیں۔