بھینسہ 14/فرری (سیاست ڈسٹرکٹ نیوز) بھینسہ شہر کے خان آٹو نگر میں واقع مدرسہ معہدالابرار کے تین طلبہ نے ایک ہی نشست میں مکمل قرآن مجید سنایا جس کا آغاز 13 فروری بروز جمعرات بعد نماز مغرب سے مسجد مدار خان احاطہ مدرسہ معہدلابرار میں کیا گیا مدرسہ معہدالابرار کے تین طلبہ شیخ عابد ولد شیخ مشتاق صاحب بھینسہ ، سید افنان ولد سید انور صاحب ، محمد سعد ولد محمد سلیم صاحب مرحوم بھینسہ نے مکمل قرآن مجید ایک ہی نشست میں سنانے کی سعادت حاصل کی جس کا اختتام بعد نماز جمعہ عمل میں آیا اس مجلس میں بھینسہ و اطراف کے مختلف علماء اکرام حافظ محمد رفیق صدر مدرس دارالعلوم جامعہ عربیہ بھینسہ ، مفتی اطہر اللہ خان قاسمی کوبیر ، مولانا قاسم حسامی مدھول ، مفتی شہباز نواز قاسمی بھینسہ حافظ خیر الدین ، مولانا یونس قاسمی ، حافظ مجیب ، حافظ فیروز ، مفتی عرفان قاسمی ، مولانا امجد خان کے علاوہ دیگر علماء اکرام نے شرکت کرکے طلبہ کا قرآن مجید سنا اور ہمت افزائی کی جبکہ فیض اللہ خان سابقہ کونسلر نے تین خوش نصیب طلبہ کو تہنیت پیش کرتے ہوئے قرآن مجید کا تحفہ دیا حافظ منیر الدین صدر صفا بیت المال بھینسہ نے انعامات سے نوازا۔ اس مجلس میں صدر مدرس حافظ سید عبداللطیف ، مولانا محمد ریاض الدین قاسمی ، مولانا محمد سلمان قاسمی ، مولانا عبدالرافع قاسمی ، حافظ سید عرفان ، مفتی ذیشان ، مفتی غوث ، حافظ سید کلیم سماج کارکن کے علاوہ بھینسہ شہر و اطراف کے کئی نوجوانوں نے شرکت کی۔
