ممبئی 15جنوری (یواین آئی) مہاراشٹرا میں ممبئی سمیت 29میونسپل کارپوریشنوں میں ووٹنگ مکمل ہوگئی ۔ اس طرح جملہ 3.48کروڑرائے دہندگان نے 15,931امیدواروں کی قسمت کا فیصلہ کردیا۔جب کہ توجہ کا مرکز برہن ممبئی میونسپل کارپوریشن (بی ایم سی) پر ہے ، جو ملک کا سب سے امیر شہری ادارہ ہے ، جس کا سالانہ بجٹ 74,400 کروڑ روپے سے زیادہ ہے ، جہاں چار سال کی تاخیر کے بعد ہونے والے انتخابات میں 227 نشستوں کیلئے 1,700 امیدوار میدان میں ہیں۔ ایگزٹ پول میں ممبئی کیلئے سکال ،جے وی سی ،اکیس مائی انڈیا نے بی جے پی کی زیرقیادت مہایوتی اتحاد کے لئے کامیابی کی پیش قیاسی کی ہے ۔ ایکسس مائی انڈیا کے ایگزٹ پول سے پتہ چلتا ہے کہ مہاوتی اتحاد کو 131-151 سیٹیں حاصل کرنے کا امکان ہے ، جبکہ جے وی سی ایگزٹ پول سے پتہ چلتا ہے کہ اتحاد کو 138 سیٹیں ملیں گی۔ اس دوران سکال نے پیش قیاسی کی ہے کہ مہا یوتی 119 سیٹوں پر جیت کر سامنے آئے گی۔ ممبئی میں یہ ٹھاکرے برادران کے درمیان لڑائی ہے ، جو 20 سال بعد اپنے ورثے کو دوبارہ حاصل کرنے کیلئے اس کے پس منظر میں دوبارہ متحد ہوئے ہیں، بمقابلہ بی جے پی-شیو سینا اتحاد۔ووٹوں کی گنتی جمعہ 16 جنوری کو ہوگی۔
