نئی دہلی:انفورسمنٹ ڈائریکٹوریٹ نے کہا ہے کہ جس معاملے میں شیو سینا لیڈر سنجے راوت کو گرفتار کیا گیا ہے وہ پترا چاول کی تعمیر نو کے پروجیکٹ میں 1000 کروڑ روپے کا گھوٹالہ ہے۔ ایجنسی نے دعوی کیا ہے کہ راوت اور ان کے خاندان کو 1.06 کروڑ روپے کا فائدہ ہوا ہے۔ جس کا دعویٰ پہلے 83 لاکھ سے زیادہ تھا۔ ای ڈی نے ان پر عصمت دری اور قتل کیس میں علی باغ زمین سودے کے ایک اہم گواہ کو دھمکی دینے کا بھی الزام لگایا ہے یہ شکایت خاتون سوپنا پاٹکر نے 22 جولائی کو درج کرائی تھی۔ خبر رساں ایجنسی پی ٹی آئی کی رپورٹ کے مطابق، اس نے دعویٰ کیا کہ عصمت دری اور قتل کی دھمکیاں ایک کاغذ پر ٹائپ کی گئی تھیں، جو اسے 15 جولائی کو دیے گئے اخبار میں ڈالی گئی تھیں اہم بات یہ ہے کہ سنجے راوت کو اتوار کی رات دیر گئے ای ڈی نے منی لانڈرنگ کے الزام میں گرفتار کیا تھا اور ممبئی کی ایک عدالت نے انہیں چار دن کے لیے ایجنسی کی تحویل میں رکھا ہے۔ شیو سینا کے رکن پارلیمنٹ نے دعویٰ کیا ہے کہ انہیں سیاسی انتقام کے لیے پھنسایا جا رہا ہے۔
