حیدرآباد 7 جو ن(یواین آئی) اے پی اسمبلی سیشن کا آغاز اس ماہ کی 16تاریخ سے ہوگاجس میں بجٹ کو منظوری دی جائے گی۔یہ سیشن جس کی شروعات 10بجے دن ہوگی،میں توقع ہے کہ مکمل بجٹ پیش کیاجائے گا۔امکان ہے کہ وزیراعلی وائی ایس جگن موہن ریڈی 11جون کو کابینہ کے اجلاس میں اس خصوص میں رسمی فیصلہ کریں گے ۔سیشن کا آغاز گورنر وشوابھوشن ہری چندن کے خطاب سے ہوگا جس کے بعد بزنس اڈوائزری کمیٹی کا اجلاس ہوگا جس میں اجلاس کے ایجنڈہ کو حتمی شکل دی جائے گی۔بعد ازاں 18جون کو اسمبلی میں بجٹ پیش کیاجائے گا۔یہ بجٹ وزیر فائنانس بی راجندر ناتھ پیش کریں گے ۔امکان ہے کہ کورونا وائرس کے پیش نظر یہ اسمبلی سیشن مختصر ہوگا۔اس ماہ کے اواخر میں علی الحساب بجٹ ختم ہورہا ہے ، ماحولیاتی تحفظ بل کی پیشکشی کیلئے حکومت نے اسمبلی سیشن منعقد کرنے کا فیصلہ کیا ہے ۔دوسری طرف اس اجلاس کواہمیت حاصل ہوگئی ہے کیونکہ راجیہ سبھا کے 19جون کو انتخابات ہونے والے ہیں۔
