ماؤیسٹ جوابی جملے کرسکتے ہیں۔ انٹلی جنس سربراہ کا بیان
حیدرآباد 20 نومبر : ( سیاست نیوز) : آندھرا پردیش انٹلی جنس سربراہ مہیش چندرا لڈا نے کہا کہ ماؤ نوازوں کے انکاونٹر اور گرفتاریوں کے بعد ماؤنواز جوابی کارروائی بھی کرسکتے ہیں ۔ جس کے لیے محکمہ پولیس کو تیار رہنے کی ضرورت ہے ۔ الوری سیتارام راجو ضلع کے ماریڈو ملی کے جنگلاتی علاقوں میں مسلسل انکاونٹر و پانچ اضلاع میں 50 ماونوازوں کی گرفتاری کے بعد وجئے واڑہ کمشنر راج شیکھر بابو ، ایلورو رینج آئی جی اشوک کمار انٹلی جنس آئی جی راما کرشنا اور اضلاع کے ایس پیز کے ساتھ وجئے واڑہ میں پریس کانفرنس سے خطاب کیا ۔ مارچ 2026 تک ماؤنوازوں سے پاک ہندوستان بنانے کے مرکز کے عہد پر ریاستی حکومتیں اقدامات کررہی ہے جس کیلئے آپریشن کگار انجام دیا جارہا ہے ۔ دنڈا کارنیم میں ماؤنوازوں کا تعاقب کیا جارہا ہے جس کی وجہ سے وہ محفوظ مقامات پر فرار ہو رہے ہیں ۔ اپنی جان بچانے وہ مختلف ریاستوں خاص کر آندھرا پردیش کا رخ کر رہے ہیں ۔ ہڈما بھی ریاست میں خود کو محفوظ سمجھ کر آیا تھا لیکن پولیس مڈبھیڑمیں ہلاک ہوگیا ۔ جس کے بعد ماونوازوں کا عملا خاتمہ ہوگیا ۔ ہڈما کی موت کا بدلہ لینے چند ماؤنواز جوابی حملہ کرسکتے ہیں ان کے حملہ کو ناکام بنانے پولیس کو چوکس رہنے کی ضرورت ہے ۔ انہوں نے کہا کہ پولیس تیار ہے اور کوشش کررہی ہے کہ ماؤنوازوں کو جو فرار ہوگئے تھے انہیں بھی گرفتار کیا جاسکے ۔ ش
