حیدرآباد17مئی (یواین آئی) اے پی میں کورونا وائرس کے 25نئے مثبت معاملات درج ہوئے ہیں۔اس تلگوریاست میں روز بروز اس وبا کے مریضوں کی تعداد میں اضافہ ہوتاجارہا ہے ۔محکمہ صحت کی جانب سے اتوارکو نئے معاملات کے سلسلہ میں بلیٹن جاری کیاگیا ہے ۔ ہر روز اس وبا کے متاثرین کے سلسلہ میں بلیٹن جاری کیاجاتا ہے ۔نئے معاملات کے ساتھ ہی کورونا وائرس کے مریضوں کی ریاست میں تعداد بڑھ کر2230تک جاپہنچی۔گذشتہ 24گھنٹوں کے دوران یہ نئے معاملات سامنے آئے ہیں۔سب سے زیادہ معاملات گذشتہ 24گھنٹوں کے دوران ضلع سریکاکلم میں درج کئے گئے ہیں۔اس ضلع میں گذشتہ 24گھنٹوں کے دوران 7افراد اس وبا سے متاثر ہوئے ہیں۔دوسرے نمبر پر ضلع گنٹورہے اورچتور رہے جہاں 4-4معاملات کورونا وائرس کے درج کئے گئے ہیں۔ اضلاع مغربی گوداوری،وجیانگرم،کرشنا،کڑپہ،مشرقی گوداوری اوراننت پور میں گذشتہ 24گھنٹوں کے دوران کوئی بھی نیامعاملہ درج نہیں ہوا ہے جبکہ بہ حیثیت مجموعی 611معاملات کے ساتھ سب سے آگے ضلع کرنول ہے ۔دوسرے نمبر پر ضلع گنٹور ہے جہاں 417معاملات درج کئے گئے ہیں۔