حیدرآباد۔ اے پی کے دارالحکومت امراوتی کے کسانوں کا احتجاج جاری ہے ۔کسانوں نے 235ویں دن بھی اپنی زنجیری بھوک ہڑتال جاری رکھی ۔ان احتجاجیوں نے حکومت کیخلاف نعرے لگائے ۔امراوتی کو انتظامی دارالحکومت کے طورپر برقرار رکھنے پر زور دیتے ہوئے انہوں نے جگن موہن ریڈی زیرقیادت حکومت پر زور دیا کہ ریاست کیلئے تین دارالحکومتوں کی ضرورت نہیں ہے ۔انہوں نے میڈیا سے بات کرتے ہوئے دعوی کیا کہ حکومت اس مسئلہ پر سنجیدہ نہیں ہے ، 29ہزار کسانوں نے 33ہزار ایکڑ اراضی ریاست کے نئے دارالحکومت کی تعمیر کیلئے دی ہے ، وہ اس مسئلہ پر سپریم کورٹ سے بھی رجوع ہوئے۔
