حیدرآباد،30جولائی(یواین آئی) اے پی کے وزیراعلی وائی ایس جگن موہن ریڈی نے آج گورنر وشواجیت ہری چندن سے ملاقات کی۔اسمبلی کی کارروائی کے غیر معینہ مدت کیلئے ملتوی ہونے کے بعد وزیراعلی سیدھے راج بھون پہنچے اور گورنر سے ملاقات کی ۔اس موقع پر ریاست کی تازہ سیاسی صورتحال، اسمبلی اجلاس کے مختلف امور پر تبادلہ خیال کیاگیا۔بجٹ سیشن کے دوران منظورہ بلز کے سلسلہ میں بھی تفصیلات سے وزیراعلی نے گورنر کو واقف کروایا۔متحدہ اے پی کی تقسیم کے بعد پیداشدہ مسائل پر بھی گورنر کو توجہ دلائی گئی۔
