نیویارک : آسٹریلیا کے ساتھ آبدوز ڈیل کے معاملہ پر امریکہ اور فرانس کشیدگی کے بعد امریکی صدر جو بائیڈن اور فرانسیسی صدر امانوئیل میکرون کے درمیان فون پر رابطہ ہوا ہے ۔عالمی خبر رساں ایجنسی کے مطابق فون پر بات چیت کے بعد فرانس نے اگلے ہفتے اپنا سفیر واپس واشنگٹن بھیجنے کا فیصلہ کرلیا، دونوں صدور بہتر مشاورت کا عمل شروع کرنے پر بھی رضامند ہوگئے ۔خیال رہے کہ آسٹریلیا نے فرانس سے معاہدہ توڑ کر امریکہ سے آب دوزیں خریدنے کا فیصلہ کیا تھا جس کے بعد فرانس نے ناراض ہو کر امریکہ اور آسٹریلیا سے اپنے سفیر واپس بلوا لیے تھے ۔اس واقعہ کے بعد دونوں ممالک کے درمیان کشیدگی بڑھ گئی تھی۔
