واشنگٹن : امریکی صدر جوبائیڈن نے کالج کے دورہ پر سیلفی لیتی نوجوان طالبہ کا کاندھا پکڑ کر ڈیٹنگ یعنی محبوب سے ملاقات کے حوالے سے ایک مفید مشورہ دے ڈالا جس کی ویڈیو سوشل میڈیا پر وائرل ہوگئی۔ سوشل میڈیا پر وائرل ہونی والی ایک دلچسپ ویڈیو میں دیکھا جاسکتا ہیکہ امریکی صدر ایک نوجوان طالبہ کا کاندھا پکڑ کر اپنی طرف متوجہ کرتے ہیں اور کہتے ہیں کہ جب تک تم 30 سال کی نہیں ہوجاتیں کوئی بھی سنجیدہ نہیں۔نوجوان طالبہ امریکی صدر کے اس غیر متوقع اور بن مانگے ’’مشورے‘‘ پر پہلے تو حیران رہ گئی اور پھر قدرے مسکراتے ہوئے کہا کہ ٹھیک ہے میں یہ بات ذہن میں رکھوں گی۔ایک اور ویڈیو میں دیکھا جا سکتا ہیکہ طالبہ کے سامنے کھڑے بائیڈن نے کہا کہ اب ایک بہت اہم بات میں نے اپنی بیٹیوں اور پوتیوں کو بتائی تھی اور وہ یہ کہ جب تک آپ 30 سال کے نہ ہوں آپ سے شادی کیلئے کوئی سنجیدہ نہیں ہوتا۔
