نئی دہلی /21 جولائی ( سیاست ڈاٹ کام ) آل انڈیا مسلم پرسنل لا بورڈ نے کہا ہے کہ رام مندر تنازعہ کی لڑائی مضبوطی کے ساتھ لڑی جائے گی۔ بورڈ کے جنرل سیکرٹری مولانا ولی رحمانی کی جانب سے جاری بیان میں کہا گیا بابری مسجد کے بدلے میں کوئی چیز نہیں لی جائے گی۔ ان کے مطابق ثالثی کمیٹی سے بات چیت میں بورڈ اس لئے شامل ہوا کیونکہ اس کو سپریم کورٹ نے تشکیل دیا تھا۔ گلف نیوز میں یہ خبر شائع ہوئی تھی کہ ایودھیا تنازعہ کے مقدمے میں مسلم فریق سمجھوتہ پر غور کررہا ہے۔ بورڈ نے اس خبر کو مسترد کرتے ہوئے واضح کردیا وہ مقدمہ لڑنے کیلئے پوری طرح تیار ہے اور کسی طرح کے سمجھوتے کی بات نہیں سوچی جارہی ہے۔
