سنچورین : بابراعظم نے جنوبی افریقہ کے خلاف سنچورین میں سیریز کے پہلے میچ میں ہی ایک اور کارنامہ اپنی ریکارڈ بک میں شامل کرلیا۔پاکستان کے اسٹائلش بیٹسمین نے جنوبی افریقہ کے 104 گیندوں پر 103رنز کی اننگز کھیلی، یہ اْن کی ایک روزہ کرکٹ میں 13ویں سنچری تھی۔بابر اعظم نے اپنی 13ویں سنچری 76 اننگز میں بناکر ایک اور ریکارڈ اپنے نام کرلیا ہے، یوں وہ ہاشم آملہ، ویراٹ کوہلی اور ڈی کوک سے آگے نکل گئے ہیں۔جنوبی افریقہ کے ہاشم نے اپنے کیرئیر کی 13ویں سنچری 83 ویں اننگز میں مکمل کی تھی جبکہ ڈی کوک اور ویرات کوہلی نے یہ سنگ میل 86 ویں اننگز میں عبور کیا تھا۔بابر اعظم نے اپنی 13 سنچریوں میں سے سب سے زیادہ 4 سنچریاں ویسٹ انڈیز کے خلاف بنائی ہیں۔انہوں نے 3 سری لنکا اور 2 زمبابوے کے خلاف سنچریاں اسکور کی ہیں۔بابر اعظم نے آسٹریلیا، انگلینڈ، نیوزی لینڈ اور جنوبی افریقہ کے خلاف بھی ایک ایک سنچری بنا رکھی ہے۔پاکستان کے اسٹائلش بیٹسمین نے فی الحال ہندوستان، بنگلہ دیش سمیت دیگر ٹیموں کے خلاف سنچری نہیں بنائی ہے لیکن امید ہے وہ یہ سنگ میل بھی جلد عبور کرلیں گے
