لاہور23 اکتوبر(یو این آئی ) پاکستان کرکٹ بورڈ نے ونڈے اور ٹی20 سیریز کے لیے ٹیموں کا اعلان کردیا۔ پاکستانی ٹیم کا اعلان جنوبی افریقہ کے خلاف سیریز کے لیے کیا گیا ہے ۔ بورڈ نے ٹی 20 کے لیے 15 رکنی اور ونڈے کے لیے16 رکنی اسکواڈ کا اعلان کیا ہے ۔ سلمان علی آغا ٹی ٹوئنٹی اور شاہین شاہ آفریدی ونڈے ٹیم کی قیادت کریں گے ۔ بابر اعظم، نسیم شاہ اور عبدالصمد کی ٹی ٹوئنٹی جبکہ فیصل اکرم، حارث رؤف اور حسیب اللہ کی ون ڈے اسکواڈ میں واپسی ہوئی ہے ۔ پاکستان اور جنوبی افریقہ کے درمیان ٹی ٹونٹی سیریز28 اکتوبر سے یکم نومبر تک کھیلی جائے گی جب کہ سری لنکا اور زمبابوے کے ساتھ ٹی ٹونٹی تین ملکی سیریز17 سے 29 نومبر تک راولپنڈی اور لاہور میں کھیلی جائے گی۔ پاکستانی ٹی 20 اسکواڈ : سلمان علی آغا (کپتان)، عبدالصمد، ابرار احمد، بابراعظم، فہیم اشرف، حسن نواز، محمد نواز، محمد وسیم جونیئر، محمد سلمان مرزا، نسیم شاہ، صاحبزادہ فرحان، صائم ایوب، شاہین آفریدی، عثمان خان اور عثمان طارق شامل ہیں جب کہ فخر زمان، حارث رؤف اور سفیان مقیم کو ریزرو میں رکھا گیا ہے ۔ ونڈے ٹیم : شاہین آفریدی(کپتان)، ابرار احمد، بابر اعظم، فہیم اشرف، فیصل اکرم، فخر زمان، حارث رؤف، حسیب اللہ، حسن نواز، حسین طلعت، محمد نواز، محمد رضوان، محمد وسیم جونیئر، نسیم شاہ، صائم ایوب اور سلمان علی آغا شامل ہیں۔
