لاہور۔ یکم جنوری (سیاست ڈاٹ کام ) سال 2019 میں پاکستان کی جانب سے بابراعظم ٹسٹ، ونڈے اور ٹی ٹونٹی میں سب سے زیادہ رنز بنانے والے بیٹسمین رہے۔ رپورٹ کے مطابق بابر اعظم نے 2019 کے دوران ٹسٹ کرکٹ میں 6 میچوں کی 11 اننگز میں 68.44 کی اوسط سے 616 رنز بنائے جن میں 3 سنچریاں اور3 نصف سنچریاں شامل ہیں۔ ان کا اعظم ترین انفرادی اسکور 104 رنز ہے۔ ونڈے کرکٹ میں انہوں نے 20 میچوں کی 20 اننگز میں 60.66 کی اوسط سے 1092 رنز بنائے جن میں 3 سنچریاں اور 6 نصف سنچریاں شامل ہیں اوران کا زیادہ سے زیادہ انفرادی اسکور 115 رنز ہے۔ ٹی ٹونٹی کرکٹ میں بابراعظم نے 10میچوں کی 10 اننگز میں 41.55 کی اوسط سے 374 رنز بنائے جن میں 4 نصف سنچریاں بھی شامل ہیں۔
