کلکتہ: بی جے پی چھوڑ کر ترنمول کانگریس میں شامل ہونے والے سابق مرکزی وزیر بابل سپریو نے آج اعلان کیا ہے کہ وہ چہارشنبہ کو لوک سبھا کے اسپیکر اوم برلا سے ملاقات کرکے آسنسول لوک سبھا حلقے کی رکنیت سے استعفیٰ دیں گے۔ کلکتہ میں پارٹی کے سینئر لیڈر و ممبر پالیمنٹ سوگتا رائے اور راجیہ سبھا رکن ڈیریک اوبرائن کے ساتھ پریس کانفرنس سے خطاب کرتے ہوئے بابل سپریہ نے کہا کہ انہوں نے بی جے پی کے ٹکٹ پر آسنسو ل لوک سبھا حلقے سے انتخاب جیتا تھا اور چوں کہ وہ اب ترنمول کانگریس میں شامل ہوچکے ہیں اس لئے انہوں نے استعفیٰ دینے کا فیصلہ کیا ہے۔
انہوں نے کہا کہ وہ چہار شنبہ کو دہلی جائیں گے اور لوک سبھا اسپیکر اوم برلا سے ملاقات کے لئے وقت طلب کریں گے۔ اگر انہوں نے ملاقات کے لئے وقت دے دیا تو میں انہیں اپنا استعفیٰ نامہ پیش کردوں گا۔
