مناما : امریکی کمپنی فائزر اور جرمن کمپنی بائیو این ٹیک کی کورونا ویکسی نیشن کے استعمال کی منظوری کے بعد بحرین برطانیہ کے بعد دنیا کا دوسرا ملک بن گیا ہے۔اس سے قبل دنیا بھر میں سب سے پہلے گزشتہ دنوں برطانیہ نے ان کمپنیوں کی کورونا ویکسین کے وسیع پیمانے پر استعمال کی منظوری دی ہے اور برطانیہ میں ویکسی نیشن کا آغاز آئندہ ہفتے سے ہوگا۔ بحرین کی قومی ہیلتھ اتھارٹی کا کہنا ہے کہ کورونا کی ویکسین سب سے پہلے ہائی رسک گروپوں کو دی جائے گی۔عرب میڈیا کے مطابق حکام نے فی الحال یہ نہیں بتایا کہ بحرین کورونا کی کتنی ویکسین خریدے اور ویکسی نیشن کا عمل کب سے شروع کیا جائے گا۔عرب میڈیا کا بتانا ہیکہ بحرین پہلے ہی ایمرجنسی کے لیے چین کی ویکسین کے استعمال کی بھی منظوری دے چکا ہے۔بحرین کی قومی ہیلتھ ریگولیٹری اتھارٹی کی سربراہ کا کہنا تھا کہ فائزر اور بائیو این ٹیک کی ویکسین ملک میں کورونا کیخلاف رد عمل میں اہم ثابت ہوگی۔کمپنی نے 2021 میں کم از کم 1.3 بلین ویکسین سپلائی کرنے کی امید ظاہر کی ہے۔ برطانیہ کے بعد بحرین نے بھی کورونا ویکسین کے استعمال کی منظوری دیدی۔
