مناما ۔ 11مارچ ۔(سیاست ڈاٹ کام) بحرین میں کورونا وائرس سے متاثرہ 4 سعودی شہری طبی قید سے باہر آنے کے بعد شفایاب ہو گئے ہیں۔اس سے قبل سعودی وزارت صحت نے اعلان کیا تھا کہ ایک امریکی کے سوا کورونا وائرس سے تماثرہ افراد کی طبی حالت اچھی ہے۔وزارت صحت کے ترجمان نے گزشتہ روز پریس کانفرنس میں بتایا کہ کورونا کے پھیلاؤ کو روکنے کے لیے تمام سرحدی راستوں پر اقدامات کا سلسلہ جاری ہے۔ انہوں نے واضح کیا کہ لوگوں کے اکٹھا ہونے پر لگائی گئی روک اس مہلک وائرس کو پھیلنے سے روکنے کیلئے احتیاطی اقدام ہے۔ ترجمان نے کہا کہ کورونا وائرس کا مقابلہ کرنے کیلئے مملکت اندرونی اور بیرونی سطح پر اپنی کوششیں جاری رکھے گی۔سعودی وزارت صحت نے پیر اور منگل کی درمیانی شب اعلان کیا تھا کہ مملکت میں کورونا وائرس کے 5 نئے کیس درج ہوئے ہیں۔