مناما: بحرینی ڈیجیٹل گورنمنٹ کا کہنا ہے کہ مختلف نوعیت کی ڈیجیٹل سروسز میں پیدا ہونے والا تعطل عارضی ہے جو اپ گریڈیشن کی وجہ سے ہوا۔ بحرین میں ڈیجیٹل سروسز کی اپ گریڈیشن اور مینٹیننس کی وجہ سے مملکت اور بحرین کے مابین شاہ فہد پل پر امیگریشن خدمات کسی حد تک متاثر ہوئیں جس کی وجہ سے سرحدی چوکی پر گاڑیوں کی لمبی قطاریں لگ گئیں۔بحرینی ڈیجیٹل اتھارٹی کا کہنا ہے کہ سسٹم کو جلد ہی اپ ڈیٹ کرنے کے بعد مکمل طور پر بحال کردیا جائے گا۔ سسٹم کو اپ گریڈ کرنے کا مقصد فراہم کی جانے والی خدمات کے معیار کو مزید بہتر بنانا ہے۔ ہفتہ وار تعطیل کے موقع پر سعودی عرب اور بحرین کے مابین بڑی تعداد میں مسافروں کی آمد ورفت ہوتی ہے۔
سسٹم میں ہونے والے تعطل کی وجہ سے پل پر گاڑیوں کی لمبی قطاریں لگ گئیں اور ٹریفک جام ہوگیاجس کی وجہ سے مسافروں کو کافی دیر انتظار کرنا پڑا۔
