نئی دہلی: سابق مرکزی وزیر اور کانگریس کے سینئر لیڈر پی چدمبرم نے کہا ہے کہ مرکزی وزیر داخلہ امیت شاہ کا یہ دعویٰ کہ بی جے پی کی حکومت میں کوئی بدعنوانی نہیں ہے ، بے بنیاد ہے اور انہیں سمجھنا چاہئے کہ ان کے دور حکومت میں ہر اسکیم بدعنوانی میں اضافہ کرنے والی ہے ۔ چدمبرم نے بتایا کہ چاہے وہ نوٹ بندی کی اسکیم ہو یا مودی حکومت کے دور میں انتخابی بانڈ اسکیم، سب بدعنوانی کو فروغ دے رہے ہیں۔ ان اسکیموں کے ذریعے بدعنوانوں کو کالے دھن کو سفید میں تبدیل کرنے کی سہولت فراہم کی گئی ہے ۔ نوٹ بندی کچھ لوگوں کو قانونی طور پر کالے دھن کو سفید دھن میں تبدیل کرنے کی اجازت دینے کی اسکیم تھی۔
