منیلا ۔14ستمبر۔(سیاست ڈاٹ کام) فلپائن کے صدر روڈریگو ڈوٹرٹ نے اپنے ملک کے عوام کو دعوت دی ہے کہ وہ ایسے سرکاری ملازمین کو گولی مار دیں جو رشوت لیتے ہوں اور کرپشن میں ملوث ہوں۔تاہم انہیں قتل نہ کریں، صرف زخمی کر دیں۔ سخت گیر صدر نے عوام سے وعدہ کیا ہے کہ اس اقدام پر انہیں جیل نہیں جانے دیں گے ۔صدر نے عوام نے سے کہا ہے کہ احتیاط سے کام لیتے ہوئے رشوت خور اور کرپٹ افسران کو گولی مارکر زخمی کرنا ہے ، کیونکہ اس کی ہلاکت کی صورت میں ملکی قوانین مجھے اس بات کی اجازت نہیں دیتے کہ میں قتل کرنے والے کو معاف کر دوں۔ انہوں نے کہا کہ ٹیکس، فیس کی ادائیگی کے معاملہ میں یا کوئی سرٹیفکیٹ یا دستاویز بنوانے کیلئے اگر کوئی سرکاری ملازم آپ سے رشوت طلب کرے تو ہتھیار ہونے کی صورت میں آپ اسے گولی مار سکتے ہیں۔
میں وعدہ کرتا ہوں کہ آپ کو جیل جانے نہیں دوں گا، آپ کو صرف جسمانی سزا ملے گی۔