نیویارک: امریکی صدر جو بائیڈن نے اس قانون پر دستخط کر دیے ہیں جس کے تحت امریکی کمپنیوں کے ساتھ لین دین میں رشوت کے مرتکب بیرونی حکومتوں کے اہلکاروں کے خلاف مجرمانہ الزامات عائد کیے جا سکیں گے۔انسدادِ بدعنوانی اور حکومتی شفافیت کے کارکنوں کا کہنا ہے کہ یہ قانون بدعنوانی کے خلاف عالمی جنگ میں ایک بڑے خلا کو پْر کرے گا۔’غیر ملکی بھتہ خوری کی روک تھام‘ کے نام سے نافذ قانون کے مطابق امریکہ کے وفاقی استغاثہ کو یہ اختیار حاصل ہو گا کہ وہ غیر ملکی حکومتوں کے ایسے حکام کے خلاف مجرمانہ الزامات عائد کر سکیں جو امریکی کمپنیوں سے رشوت طلب کرتے ہیں یا ان کی رشوت قبول کرتے ہیں۔نیا قانون 50 برس قبل نافذ ’فارن کرپٹ پریکٹسز ایکٹ‘ کو زیادہ مؤثر بنائے گا۔مجوزہ قانون امریکہ میں مقیم افراد کیلئے رشوت دینا یا بصورت دیگر غیر ملکی حکام پر بدعنوانی سے اثر انداز ہونے کو جرم قرار دیتا ہے۔امریکی حکومت بیرون ملک بدعنوانی میں ملوث امریکی کمپنیوں کے خلاف الزامات دائر کرتی ہے۔ لیکن اب تک سزا دینے کے محدود اختیارات تھے ۔
