دبئی ۔ 8 ۔ ستمبر (سیاست ڈاٹ کام) ویسٹ انڈیز کے آل راؤنڈر گریک براتھ ویٹ کے بولنگ کو مشتبہ ایکشن قرار دیا گیا ہے ۔ ہندوستان کے خلاف کھیلے گئے دوسرے ٹسٹ میں ان کی بولنگ کو غیر قانونی قرار دیا گیا ہے ۔ آئی سی سی کی جانب سے جاری کردہ بیان میں کہا گیا ہے کہ ہند۔ویسٹ انڈیز ٹسٹ مقابلہ کے عہدیداروں نے براتھ ویٹ کی بولنگ کو غیر قانونی ہونے کی بات کہی۔ مخصوص اوپنر براتھ ویٹ جزوقتی آف اسپن بولر بھی ہیں جنہوں نے ہندوستان کے خلاف بولنگ بھی کی تھی، تاہم اگست 2017 ء میں انگلینڈ کے خلاف بھی ان کی بولنگ کو مشتبہ قرار دیا گیا تھا ۔ براتھ ویٹ کے خلاف دوسری مرتبہ شکایت کی گئی ہے، لہذا انہیں اب 14 ستمبر تک دوبارہ اپنی بولنگ کا معائنہ کروانا ہوگا لیکنتب تک وہ بولنگ کرسکتے ہیں ۔
