ساؤ پولو: شمال مشرقی برازیل میں ایک رہائشی عمارت میں دھماکے سے 3افراد ہلاک اور 14زخمی ہو گئے۔ فائر ڈپارٹمنٹ نے منگل کو یہ اطلاع دی۔ رپورٹ میں بتایا گیا کہ دھماکہ ریاست سرگیپ کے دارالحکومت اراکاجو میں 44 اپارٹمنٹ والی عمارت کے کچن میں سلنڈر سے گیس لیک ہونے سے ہوا۔ میڈیانے فائر ڈپارٹمنٹ کے اہلکار ایلن سانتوس کے حوالے سے بتایا کہ ہم نے 14 لوگوں کو زندہ بچا لیا ہے ۔ زخمیوں کو اراکاجو شہر کے ہاسپٹلوں میں داخل کرایا گیا ہے “۔انہوں نے کہا کہ دھماکے سے تین افراد ہلاک اور متعدد عمارتوں کو نقصان پہنچا ہے ، بہت سے لوگ پھنس گئے ہیں۔انہوں نے کہا کہ امدادی ٹیمیں اس وقت تک موجود رہیں گی جب تک کہ مقام محفوظ نہیں ہو جاتا تاکہ ہم ممکنہ طور پر لاپتہ افراد کی تلاش کیلئے کام پر واپس جا سکیں۔