ریو ڈی جینرو16مئی (سیاست ڈاٹ کام ) لاطینی امریکی ملک برازیل میں بھی وبا کورونا وائرس (کوویڈ ۔ 19) کاقہر مسلسل بڑھتا جا رہاہے اور گزشتہ 24 گھنٹوں کے دوران کورونا کے ایک ریکارڈ 5,305 نئے کیسز سامنے آنے کے ساتھ ہی متاثرین کی تعداد میں 2،18،223 ہو گئی ہے ۔برازیل کی وزارت صحت نے ہفتہ کو یہ اطلاع فراہم کی ۔ برازیل میں گزشتہ 24 گھنٹوں کے دوران اس وبا سے 824 افراد کے ہلاک ہونے سے ہلاک شدگان کی تعداد 14 ہزار سے بڑھ کر 14.817 پہنچ گئی ہے ۔اس کے ایک دن پہلے برازیل میں کورونا کے 13.944 نئے کیسز سامنے آئے تھے جبکہ 844 افراد ہلاک ہو ئے ہیں ۔ دریں اثنا برازیل کے صدر جائیر بولسو نارو نے پیر کو لاک ڈاؤن ضابطوں میں نرمی کا علان کرتے ہوئے جم، بیوٹی پارلر اور حجام کی دکانیں کھولنے کی اجازت دی ہے ۔ بولسونارو کورونا وائرس کو عام فلو بتا تے آئے ہیں ، جس کی وجہ سے وہ شدید تنقید کا نشانہ بنے ہیں۔ وہ مارچ میں اپنے وفد کے ہمراہ امریکہ گئے تھے جس کے بعد ان کے وفد کے 20 ممبران کو کورونا سے متاثر پایا گیا تھا۔ کورونا وائرس سے شدید متاثررہے برازیل میں اس وبا کے پھیلاؤ کو روکنے کے لئے لاک ڈاؤن نافذ ہے ۔واضح ر ہے کہ عالمی ادارۂ صحت (ڈبلیو ایچ او) نے 11 مارچ کو کورونا وائرس (کووڈ ۔19) کو ایک وبا قرار دیا تھا۔ امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق دنیا بھر میں کورونا وائرس کے ساڑھے چار لاکھ سے زائد کیسز کی تصدیق ہوچکی ہے ، جبکہ اس وبا کی وجہ سے تیس لاکھ سے زائد افراد ہلاک ہوگئے ہیں۔
